У Кобрыне знайшлі парэшткі людзей, меркаваных ахвяраў гета часоў вайны

У Кобрыне знайшлі чалавечыя парэшткі, якія могуць належаць ахвярам гета часоў Другой сусветнай вайны. Як паведамляе БелаПАН са спасылкай на афіцыйнага прадстаўніка ўпраўлення Следчага камітэта па Брэсцкай вобласці Марыну Дранькову, косткавыя парэшткі 17 кастрычніка знайшоў мясцовы жыхар — мужчына займаўся ўрэзкай гадаправодных труб да свайго дома. Пра знаходку ён паведаміў у праваахоўныя органы.

Падчас агляду следчымі і спецыялістамі Дзяржаўнага камітэта судовых экспертыз узятыя фрагменты косткавых парэшткаў і калючага дроту са слядамі карозіі. Мяркуецца, што даўнасць захавання — болей за 60 гадоў. У перыяд Другой сусветнай вайны тут было гета.

Прызначаная медыка-крыміналістычная экспертыза.