У Баранавічах "Аўдзі" знесла слуп, плот, перакулілася і спынілася ля дома. Фота

У Баранавічах "Аўдзі А8" знесла слуп, плот, перакулілася і спынілася каля жылога дома. Здарэнне адбылося ўвечары 14 лютага. Як інфармуе Intex-press, кіроўца і пасажыр легкавіка не пацярпелі, яны былі прышпіленыя рамянямі бяспекі. Ратавальнікі, якія прыехалі на месца здарэння, залілі аўтамабіль пенай — была пагроза яго ўзгарання. Па факце ДТЗ праводзіцца праверка.

Дарэчы, гаспадар дома сцвярджае, яго плот аўтамабілі збіваюць ужо трэці раз. Кіроўцы не ўлічваюць невялікі паварот, слізкую дарогу і пасля не могуць саўладаць з кіраваннем, вылятаюць з праезнай часткі.