Беларуса дэпартуюць з Егіпта за серыю п’яных дэбошаў

Беларуса дэпартуюць з Егіпта за серыю п’яных дэбошаў. Як інфармуе тэлеканал АНТ, здарэнне адбылося ў Хургадзе, дзе мінчук адпачываў разам з жонкай і дзіцём. Ён ужываў алкаголь яшчэ ў самалёце, а ў Егіпце пачаў скандаліць. Спачатку ў гатэлі ад мужчыны дасталося жонцы, а ўначы ён кідаў камяні ў вокны. Яго арыштавалі і да раніцы пратрымалі ў паліцыі. Калі ж мінчук вярнуўся ў гатэль, учыніў скандал ды яшчэ параніў сябе. Яго завезлі ў бальніцу.

Цяпер мужчына знаходзіцца ў паліцыі. МЗС нашай краіны падтрымлівае кантакт з уладамі Егіпта. Дэпартацыя адбудзецца бліжэйшымі днямі.