У Бельгіі пілот выпаў з верталёта на вышыні 1 кіламетр

У Бельгіі на вышыні каля 1 кіламетра адзін з двух пілотаў выпаў з ваеннага верталёта. Здарэнне адбылося ў камуне Амэ ў правінцыі Льеж. Agusta A-109 якраз вяртаўся на базу. Спачатку меркавалася, што адбыўся няшчасны выпадак. Пасля высветлілася, што гэта мог быць суіцыд. Мужчына цяжка перажываў развод. У яго засталася маленькая дачка.

Дарэчы, другі пілот не адразу заўважыў знікненне свайго таварыша. Гэта ўскладняе пошук месца, дзе мог упасці вайсковец (парашута ў яго не было).