17-гадовы матацыкліст, які ўрэзаўся ў каня, памёр у лякарні

Уночы на 19 кастрычніка ў лякарні памёр 17-гадовы матацыкліст, які тры дні таму ўрэзаўся ў каня. Пра гэта са спасылкай на ДАІ Мінскай вобласці піша TUT.by.

Незвычайныя аварыя адбылася ў вёсцы Хорастава Салігорскага раёна ўвечары адбылася 16 кастрычніка. Блізу 21:00 хлопец на матацыкле ўрэзаўся ў каня, які знаходзіўся на праезнай частцы.

У выніку ДТЗ матацыкліст атрымаў цяжкія траўмы і ў стане комы быў дастаўлены ў рэанімацыю. Вядома, што ён кіраваў матацыклам без шлема.

Як высветлілася пазней, матацыкл хлопец сабраў з запасных частак на базе "ІЖ Планета-5". Транспартны сродак не быў зарэгістраваны. Раней матацыкліст прыцягваўся да адміністрацыйнай адказнасці за язду без правоў.