Кітайскі экстрэмал зрабіў відэа сваёй гібелі на хмарачосе

Кітайскі экстрэмал зрабіў відэа сваёй гібелі на 62-павярховым хмарачосе. 26-гадовы Юн Нін выконваў свае трукі — апускаўся з даху і вісеў нейкі час, трымаючыся рукамі. Падчас чарговай спробы нешта пайшло не так. Магчыма, у маладога чалавека проста не хапіла сіл і ён паляцеў уніз.

Сайт ria.ru адзначае, што здарэнне адбылося яшчэ 8 лістапада ў горадзе Чанша ў правінцыі Хунань у Кітаі. Але відэа на YouTube было апублікавана толькі цяпер.

Сайт meduza.io дадае, што руфер здымаў відэаролік на замову невядомага спонсара. За гэта ён мусіў атрымаць 15 тысяч долараў. Грошы збіраўся патраціць на лячэнне маці і на вяселле.