У сераду ў Беларусі чакаецца парывісты вецер — да 17 метраў за секунду

Воблачнае з праясненнямі надвор'е прагназуецца ў нашай краіне 13 снежня. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У сераду будзе пераважна без ападкаў, толькі па паўднёвым усходзе краіны пройдуць мокры снег і дождж. На асобных участках дарог чакаецца галалёдзіца. 

Вецер чакаецца паўднёва-заходні 5-10 метраў за секунду, уначы і зранку парывы ​​дасягнуць 14 метраў за секунду, па паўночным захадзе месцамі — да 15-17 метраў за секунду.

Тэмпература паветра на працягу сутак будзе ад 1 градуса марозу да 4 градусаў цяпла.