У аўторак у Беларусі чакаюцца дажджы і да +20

Воблачнае з праясненнямі надвор'е чакаецца ў Беларусі 24 красавіка. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы і зранку на большай частцы тэрыторыі, а ўдзень пераважна па ўсходзе краіны пройдуць кароткачасовыя дажджы. У асобных раёнах чакаюцца навальніцы. Вецер будзе паўднёвы з пераходам на заходні 5-10 метраў за секунду, пры навальніцах — парывы ​​да 14 метраў за секунду.

Уначы тэмпература паветра будзе +2...+8 градусаў, па паўднёвым захадзе Беларусі — да 9-12 цяпла. Удзень прагназуецца 11-17 градусаў вышэй за нуль. Найбольш цёпла будзе па паўднёвым захадзе — +18...+20 градусаў.