Накірунак ў бок супрацоўніцтва

Адзіны Дзень інфармавання прайшоў у ААТ “Кобрынскі інструментальны завод “СІТОМА” з удзелам старшыні раённай арганізацыі рэспубліканскага грамадскага аб’яднання “Белая Русь”, дэпутата абласнога Савета дэпутатаў і галоўнага рэдактара раённай газеты “Кобрынскі веснік” Рамана Мельніка.

Гісторыя прадпрыемства налічвае больш за паўстагоддзя. Зараз калектыў складае каля 300 чалавек.

Ключавая ўвага ў размове надавалася дзейнасці грамадскай арганізацыі “Белая Русь”, для якой добрыя справы не пусты гук.

Раман Васільевіч дэталёва спыніўся на дабрачыннай рабоце арганізацыі – падтрымцы Кобрынскага цэнтра карыкцыйна-развіваючага навучання і рэабілітацыі. Акрамя таго, члены “Белай Русі” прымаюць актыўны ўдзел ў палітычным жыцці, што пацвердзілі нядаўнія выбары ў мясцовыя Саветы дэпутатаў.

Адзін з наікрункаў арганізацыі – падтрымка інтэлектуальнага руху ў Кобрыне. “Белая Русь” з’яўляеца арганізатарам гульняў “Што? Дзе? Калі?”, якія праводзяцца паміж камандамі арганізацый і прадпрыемстваў горада і раёна.

Раман Мельнік пажадаў калектыву поспехаў ў працы і ў далейшым больш цеснага супрацоўніцва.

Людміла ПАШКОВІЧ.

НА ЗДЫМКУ аўтара: Раман Мельнік вядзе гутарку з калектывам завода “СІТОМА”.