У бібліятэцы-філіяле №9 Брэсцкай цэнтральнай гарадской бібліятэцы імя А.С. Пушкіна прайшла творчая сустрэча з Таццянай Дземідовіч

Источник материала:

У бібліятэцы-філіяле №9 Брэсцкай цэнтральнай гарадской бібліятэцы імя А.С. Пушкіна прайшла творчая сустрэча з пісьменніцай, старшынёй Брэсцкага абласнога аддзялення СПБ Таццянай Дземідовіч.

Вядома, што кожная кніга пачынаецца з пісьменніка.

Яго думкі на старонках выдання даюць мажлівасць знайсці адказы на шэраг пытанняў, крочыць па шляху разваг, адчуць сум, радасць… А любая сустрэча з творцам з’яўляецца сапраўдным падарункам для любога чытача.

Сапраўднае свята падарыла Таццяна Дземідовіч юным кнігаедкам. Яна пазнаёміла іх з творчым жыццём Брэсцкай суполкі, распявала пра некаторых пісьменнікаў, падзялілася ўспамінамі з свайго школьнага жыцця, дзяцінства. Нечаканасцю стала для навучэнцаў тое, што Таццяна Дземідовіч з’яўляецца адным з аўтарам любімага многімі з іх часопіса для дзяцей “Незнайкі”… 

Каб сустрэча прайшла цікавай і насычанай, пісьменніца падрыхтавала для дзетак конкурсы. Яны разгадвалі загадкі, чыталі вершы, шукалі рыфму і нават паспрабавалі сябе ў ролі карэспандэнтаў. Таццяна Дземідовіч прыйшла да свайго юнага чытача не з пустымі рукамі. Кожны з удзельнікаў атрымаў ад пісьменніцы заслужаны падарунак.

Прыемна было атрымаць і супрацоўнікам бібліятэкі ад Таццяны Анатольеўны зборнік твораў юных талентаў Брэстчыны “Адкрыццё -2018”.

Сустрэчу аздобілі музычныя нумары ад Міланы Дземідовіч. У яе выкананні прагучалі песні “Па-над белым пухам вішняў”, “Ассоль”.