Главная
Гороскопы
Напаўняецца бункер рапсавым зернем
20.07.2018
—
Разное
|
У раёне ўбіраюць рапс. Калі мы прыехалі на поле ААТ “Шутавічы-Агра”, якое знаходзіцца за аб’язной дарогай, непадалёку ад вёскі Свірыдавічы, там шчыравалі два камбайны. На адным з іх працуе Ігар Тараскевіч (на фота) са сваім памочнікам Віктарам Чайко. Ігара Тараскевіча людзі ведаюць, раней ён служыў у міліцыі, у ДАІ, цяпер знаходзіцца на заслужаным адпачынку, часу хапае, таму вырашыў дапамагчы гаспадарцы падчас уборкі.
Другі камбайнавы экіпаж – сямейны. На ўборцы працуюць бацька з сынам. Леанід Каравай калісьці быў у ААТ “Шутавічы-Агра” галоўным інжынерам, цяпер пенсіянер. Хаця мужчыну ўжо за 70 гадоў, але ён надзвычай рухавы для свайго ўзросту. Яго сын Віталь працуе выкладчыкам фізкультуры ў СШ №7 і ў вольную летнюю пару становіцца камбайнерам. Ужо гадоў 10 дапамагае гэтай гаспадарцы.
Паглядзець за ходам уборкі перыядычна прыязджаюць спецыялісты ўпраўлення сельскай гаспадаркі і харчавання райвыканкама, ААТ “Шутавічы-Агра”, у тым ліку кіраўнік гэтай гаспадаркі Андрэй Шутовіч і галоўны аграном Іван Анюхоўскі. Справа ў тым, што апошнім часам пагоршылася надвор’е. Некалькі дзён запар ліў дождж, таму камбайнавым экіпажам прыходзілася прыпыняць работу, чакаць, пакуль распагодзіцца, каб выехаць у поле. Дарэчы, яно засталося апошнім, дзе неабходна было ўбраць рапс.
Юрый ЯНУШКЕВІЧ. Фота аўтара. Чтобы разместить новость на сайте или в блоге скопируйте код:
На вашем ресурсе это будет выглядеть так
У раёне ўбіраюць рапс. Калі мы прыехалі на поле ААТ “Шутавічы-Агра”, якое знаходзіцца за аб’язной дарогай, непадалёку ад вёскі Свірыдавічы, там шчыравалі два...
|
|
