У Росі пройдуць урачыстасці пад дэвізам «Жыць Евангеллем»

Источник материала:

4–5 жніўня ў гродзенскім дыяцэзіяльным санктуарыі Пана Езуса Журботнага ў Росі па традыцыі адбудзецца малітоўнае чуванне. Дэвіз сёлетніх урачыстасцяў — «Жыць Евангеллем», паведамляе catholic.by.

Да ўдзелу ў чуванні і малітве перад славутай ласкамі фігурай Пана Езуса Журботнага ў Росі заклікаў сваім паведамленнем усіх вернікаў дыяцэзіі біскуп Гродзенскі Аляксандр Кашкевіч.

Праграма ўрачыстасцяў у Росі

4 жніўня (субота)

з 17.00 — прывітанне пілігрымаў

18.00 — св. Імша з удзелам пілігрымаў (цэлебруе дапаможны біскуп Гродзенскай дыяцэзіі Юзаф Станеўскі)

21.00 — прэзентацыя груп пілігрымаў

22.00 — духоўная канферэнцыя

22.30 — выстаўленне Найсвяцейшага Сакрамэнту, Эўхарыстычная адарацыя, чуванне

5 жніўня (нядзеля)

1.00 — перапынак на каву

2.00 — Ружанец (радасныя таямніцы)

3.00 — Вяночак да Божай Міласэрнасці з разважаннямі

4.00 — індывідуальная адарацыя

6.30 — Ружанец (хвалебныя таямніцы)

7.30 — працэсія вакол святыні, акт прысвячэння каля фігуры Маці Божай Каралевы Супакою

8.00 — Гадзінкі аб Беззаганным Зачацці Найсвяцейшай Панны Марыі

9.00 – урачыстая святая Імша (цэлебруе біскуп Гродзенскі Аляксандр Кашкевіч), благаслаўленне на заканчэнне ўрачыстасці

Фота holiday.by