Хлопчык з рэйса Масква-Рым суткі будзе пад наглядам беларускіх лекараў

Сямігадовы пасажыр "Боінга", які ляцеў з Масквы ў Рым, суткі будзе заставацца пад наглядам беларускіх медыкаў. Пра гэта агенцтву БЕЛТА распавяла прэс-сакратар Міністэрства аховы здароўя Юлія Барадун.

Хлопчык знаходзіцца ў Рэспубліканскім навукова-практычным цэнтры дзіцячай хірургіі. Яго пакінулі там на 24 гадзіны, каб выключыць верагоднасць апендыцыту або іншых цяжкіх захворванняў. Калі ўскладненняў не будзе выяўлена, хлопчыка адправяць у Рым, куды ён і адпраўляўся.

Як паведамлялася раней, сёння ў Мінску зрабіў вымушаную пасадку самалёт авіякампаніі "Аэрафлот", які ляцеў з Масквы ў Рым. Прычынай стала тое, што дзіця моцна занядужала.