Гродзенец падпаліў экскаватар, а яшчэ ў двух выбіў шыбы (фота)

1 верасня ў Гродне 37-гадовы мужчына літаральна напаў на экскаватары, паведамляе прэс-служба абласной міліцыі.

У раёне былых кар'ераў Гродзенскага камбіната будаўнічых матэрыялаў ідуць работы. Там задзейнічаная розная тэхніка, у тым ліку і тры экскаватара. У суботу каля 11-й гадзіны вечара там гуляў адзін з жыхароў абласнога цэнтра.

З невядомай прычыны ён вырашыў пашкодзіць тэхніку, якая трапілася яму на вочы. У двух машынах гродзенец выбіў шыбы, а трэцюю падпаліў. 

Полымя пабачылі маладыя людзі, якія адпачывалі непадалёк. Яны і паведамілі пра пажар. 

Мужчыну затрымалі. На яго пачалі крымінальную справу за хуліганства.