Стала вядома, якія змяненні нас чакаюць у надвор’і

На бліжэйшыя дні спецыялісты абяцаюць нам ветранае надвор’е, невялікае пацяпленне, але дажджы, з вялікай верагоднасцю, магчымыя.

Сёння, 25 верасня, будзе воблачнае з праясненнямі надвор’е, вечарам чакаюцца ападкі, паўночна-заходні вецер — 6 — 9 метраў за секунду, пры парывах да 15. Удзень усяго +9…+10 °С, ноччу — да 5 градусаў са знакам “+”.

У сераду, 26 верасня, таксама чакаецца дождж і воблачнае надвор’е, заходні вецер 8 — 10 м/с, з парывамі да 15. Дзённая тэмпература складзе +10…+12, уначы — да 9 градусаў цяпла.

27 верасня, чацвер, па дадзеных метэаролагаў, будзе больш цёплы: +14…+16 °С — удзень і +12…+13 — ноччу, праўда, заходні вецер прагназуецца, як і ў папярэдні дзень, а пры парывах — да 16 м/с.

Да 18 градусаў вышэй за нуль чакаецца 28 верасня на тэрыторыі раёна, уначы — не больш за +9 °С. Будзе пахмурна, не абыйдзецца без ападкаў. Не спыніцца паўднёва-заходні вецер і ў пятніцу: 8 — 10 м/с, парывы — да 17.

У выхадныя чакаецца зноў пахаладанне. Пра надвор’е на гэтыя дні — чытайце ў наступных матэрыялах.

“НН”.