Два аўтобусы з пасажырамі сутыкнуліся ўлабавую ў Бабруйску

20 лютага ў 7:30 раніцы ў Бабруйску ў раёне цяплічнага камбіната ўлабавую сутыкнуліся два гарадскія пасажырскія аўтобусы, піша komkur.info.

Гэта былі аўтобусы МАЗ 206 (малой умяшчальнасці) і МАЗ 105 ("гармонік"), кажа дырэктар аўтобуснага парка №2 Уладзімір Стэльмак. Па яго словах, аўтобусы не змаглі раз'ехацца на слізкай дарозе. "Мы не здымаем віны з кіроўцаў, але і стан праезнай часткі выклікае пытанні. Мала таго што яна вузкая, дык яшчэ і слізкая. Гэта добра відаць на запісе з відэарэгістратара", — падкрэсліў дырэктар аўтапарка.

У абодвух аўтобусах ехалі пасажыры, прычым салон аднаго з іх амаль напалову быў запоўнены дзецьмі. У ДАІ кажуць, што адна са школьніц атрымала ўдар пяткі. Папярэдняй прычынай ДТЗ называюць тое, што адзін з кіроўцаў не ўлічыў надвор'е і дарожныя ўмовы.

Па факце ДТЗ праводзіцца праверка.