Мінскія студэнты выратавалі жанчыну з пажару ў кватэры (фота)

1 траўня ў 22:45 мінскія ратавальнікі атрымалі паведамленне, што з кватэры на шостым паверсе 14-павярховага дома па завулку Солтыса, 6 ідзе дым. Прыбыўшы на месца выкліку, яны высветлілі, што пажар адбыўся ў жылым пакоі двухпакаёвай кватэры, інфармуе прэс-служба МНС.

Яшчэ да прыбыцця ратавальнікаў з кватэры была выратаваная 60-гадовая гаспадыня. Тут адзначыліся студэнты Рэпубліканскага інстытута прафесійнай адукацыі А. Аляксанаў (18 гадоў) і В. Мардас (20 гадоў). Жанчыну з атручваннем прадуктамі гарэння шпіталізавалі ў лякарню хуткай дапамогі.

Юнакі распавялі, што сядзелі на лаўцы каля дома, калі пачаўся пажар. Пачуўшы клі пра дапамогу, яны падняліся на шосты паверх, дзе іх сустрэлі суседзі і паказалі на ўваходныя дзверы кватэры, якая загарэлася. Металічныя дзверы кватэры былі зачыненыя, таму хлопцы вырашылі ўзламаць іх. Зайшоўшы ў кватэру, яны знайшлі жанчыну ў пакоі, куды не дабраўся агонь. Разам яны дапамаглі гаспадыні жытла выйсці на лесвічную клетку і былі з ёй да прыбыцця ратавальнікаў. 

Медыкі шпіталізавалі не толькі жанчыну, але і студэнтаў — таксама з атручваннем прадуктамі гарэння.

Эвакуацыя жыхароў з дому не ладзілася. 

Мяркуецца, што прычынай пажару было кароткае замыканне электрасеткі.