“Беларусь спартыўная”

У Нацыянальнай бібліятэцы Беларусі 30 красавіка адкрыўся выставачны праект “Беларусь спартыўная”, прымеркаваны да ІІ Еўрапейскіх гульняў. Тут можна азнаёміцца з прадметамі спартыўнай тэматыкі, рэдкімі  і малавядомымі фотаздымкамі беларускіх спартсменаў, а таксама кадрамі фотахронікі важнейшых спартыўных падзей краіны. У экспазіцыі прадстаўлены партрэты выбітных спартсменаў, створаныя беларускімі мастакамі, рэтраспектыўная выстава спартыўных плакатаў, выстава “Яркіх перамог, яркага лета!”.

Экспазіцыя пазнаёміць з 15 відамі спорту, якія будуць прадстаўлены на спаборніцтвах у чэрвені, іх асноўнымі правіламі, гісторыяй і развіццём у Беларусі.

“НН”.