На Кіраўшчыне ідзе ўборка свірэпіцы. 21.by

На Кіраўшчыне ідзе ўборка свірэпіцы

20.06.2019 — Разное | Кировец  
Размер текста:
A
A
A

Источник материала: Кировец

Спякотнае надвор’е ўнесла свае карэктывы ў пачатак уборачнай кампаніі: на бягучым тыдні некалькі сельгасарганізацый Кіраўшчыны вывелі на свае палеткі камбайны, каб заняцца ўборкай азімай свірэпіцы, якая з-за засухі паспела раней звычайнага. На Кіраўшчыне ідзе ўборка свірэпіцы
Каб не дапусціць страт ура­джаю, актыўна стартавалі на жніве-2019 працаўнікі КСУП “Барчыцы-агра”. Першыя тоны зерня азімай свірэпіцы імі ўжо адпраўлены на Бабруйскі камбінат хлебапрадуктаў.
Пракаменціраваць ход правядзення работ мы папрасілі галоўнага агранома сельгаспрадпрыемства Руслана Ядчанку.
Як ён адзначыў, нягледзячы на не зусім спрыяльныя ўмовы сёлетняга года маслічная культура вырасла неблагая. Напрыклад, гатунак азімай свірэпіцы “галінка” даў на круг па 18 цэнтнераў. Добра зарэкамендавала сябе культура і выхадам зялёнай масы: на корм жывёле яе скасілі на 140 га.
Зараз у сельгас­прадпрыемстве ўбіраюць з палеткаў “вераніку”, сярэдняя ўраджайнасць да­дзенага гатунку свірэпіцы складае дзесьці па 16 ц/га.
Дзякуючы захаванню тэхналогіі пры правядзенні восеньскай сяўбы, якаснаму догляду пасеваў, убранае зерне не засмечана пустазеллем, пры гэтым мае вільготнасць 10-12%. Усё гэта дазваляе пасля ўзважвання адпраўляць масланасенне на перапрацоўчае прадпрыемства без дадатковых затрат на перапрацоўку.
На ўборцы азімай свірэпіцы задзейнічаны 2 камбайны. Кіруюць імі вопытныя і правераныя часам людзі — Дзмітрый Іваноў і Васіль Белаглазаў. Старанныя камбайнеры, ні на хвіліну не прыпыняючы свае агрэгаты, імкнуцца без страт сабраць вырашчанае, бо разумеюць, наколькі сёлета з-за засухі вялікая рызыка страціць ура­джай. Адвозкай масланасення займаецца Леанід Арцёмаў. Абслугоўваючы адразу абодва камбайны, ён не дапускае іх прастояў: хутка адвозячы зярняты на збожжаток, ён тут жа вяртаецца за новай партыяй.
Пасля абмалоту азімай свірэпіцы на палеткі выходзіць камбайн, які займаецца падборам і здрабненнем саломы. Заняты на дадзеным відзе работ механізатар Дзмітрый Савельеў. Адвозку саломы ў сянажныя траншэі ажыццяўляюць Ігар Шмялёў і Юрый Фралоў. Свірэпічная салома змешваецца з іншымі травамі і трамбуецца ў траншэі, ператвараючыся ў сакавіты корм.
Як адзначыў галоўны аграном, усе палі пасля правядзення ўборачных работ перасяваюцца пажніўнымі культурамі, травамі. Так, на 140 га ўжо чакае свайго часу проса.
Варта адзна­чыць, што азімая свірэпіца з’яўляецца каштоўным папярэднікам для большасці культур, у тым ліку для азімых збожжавых, гле­ба пасля яе азда­раўліваецца і становіцца рыхлай.
Пасля абмалоту азімай свірэпіцы камбайны накіруюцца на ўборку насення траў яжы і цімафееўкі, пасля прыдзе чарга рапсу, які займае плошчу ў 160 га, — вось так паступова механізатары КСУП “Барчыцы-агра” распачнуць галоўную хлебаробскую кампанію — уборку збожжавых.
А пакуль іншы раз яны з на­дзеяй паглядаюць на неба ў чаканні дожджыкаў і шырокім фронтам вядуць работы па нарыхтоўцы кармоў, хімічнай апрацоўцы і падкормцы раслін. Валерый Каліноўскі займаецца зграбаннем траў, Сяргей Гушчын на прэсе скручвае сена ў рулоны, Мікалай Глушакоў заняты на апрацоўцы цукровых буракоў.
Не забываюцца ў сельгаспрадпрыемстве пра належныя санітарна-бытавыя ўмовы для працаўнікоў палёў. Механізатары забяспечаны гарачымі абедамі і вячэрамі, маецца спец­адзенне.
Як адзначыў дырэктар КСУП “Барчыцы-
агра” Уладзімір Ядчанка, на дадзены момант у сельгаспрадпрыемстве адчуваецца пэўны дэфіцыт механізатарскіх кадраў, але тых, што засталіся і працуюць, без перабольшвання можна назваць касцяком калектыву і надзейнай апорай.
Хочацца спадзявацца, што ўсё намечанае ў руплівых працаўнікоў палёў абавязкова атрымаецца.
Людміла СЯМЁНАВА.
Фота Максіма МІКЕШЫНА.

На Кіраўшчыне ідзе ўборка свірэпіцы
На Кіраўшчыне ідзе ўборка свірэпіцы
На Кіраўшчыне ідзе ўборка свірэпіцы

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Спякотнае надвор’е ўнесла свае карэктывы ў пачатак уборачнай кампаніі: на бягучым тыдні некалькі сельгасарганізацый Кіраўшчыны вывелі на свае палеткі...
 
 
 

РЕКЛАМА

Архив (Разное)

РЕКЛАМА

© 2004-2020 21.by
Яндекс.Метрика