Жыхары Мірскага і Жухавіцкага сельсаветаў узнагароджаны юбілейнымі медалямі «75 год вызвалення Беларусі ад нямецка-фашысцкіх захопнікаў». 21.by

У Карэліцкім раёне працягваецца ўзнагароджанне юбілейнымі медалямі «75 год вызвалення Беларусі ад нямецка-фашысцкіх захопнікаў» ветэранаў Вялікай Айчыннай вайны і вязняў фашызму. На гэты раз словы падзякі гучалі для шаноўных жыхароў Мірскага і Жухавіцкага сельсаветаў.

Удзел ва ўручэнні медалёў прынялі намеснік старшыні Карэліцкага райвыканкама, старшыня РА РГА “Белая Русь” Руслан Юр’евіч Абрамчык, намеснік ваеннага камісара па тэрытарыяльнай абароне Карэліцкага раёна ваеннага камісарыята Навагрудскага і Карэліцкага раёнаў Валянцін Аркадзьевіч Васько, старшыня Жухавіцкага сельвыканкама Аляксандр Уладзіміравіч Івашка, інспектар Жухавіцкага сельвыканкама Святлана Іванаўна Дука, старшыня Мірскага сельвыканкама Аляксандр Лявонцьевіч Маркевіч.

Для ветэранаў Вялікай Айчыннай вайны Уладзіміра Данілавіча Буя, Паўла Іосіфавіча Бычко, Міхаіла Мікалаевіча Харуты, Вольгі Іосіфаўны Хіневіч, Казіміра Адамавіча Рамановіча і вязняў фашызму Лідзіі Сямёнаўны Калала і Ніны Ігнацьеўны Сяргеевай такая ўвага і шчыры клопат сталі найлепшымі віншаваннямі напярэдадні Дня Незалежнасці і святкавання 75-годдзя вызвалення Беларусі ад нямецка-фашысцкіх захопнікаў.