Жыхары шаркаўшчынскага краю ўрачыста адзначылі Дзень Незалежнасці Рэспублікі Беларусь і 75-годдзе са дня вызвалення ад нямецка-фашысцкіх захопнікаў

Источник материала:

Памяць аб гераічным мінулым дапамагае сучаснікам пераадольваць цяжкасці і ўпэўнена крочыць далей. Учора , 3 ліпеня, жыхары нашага раёна сустрэлі галоўны для кожнага беларуса дзень — Дзень Незалежнасці нашай краіны і 75- годдзе вызвалення Беларусі ад нямецка-фашысцкіх захопнікаў. Раённае свята пачалося з велапрабегу па месцах воінскай славы  і ўрачыстага мітынгу ля помніка загінуўшым воінам на плошчы райвыканкама. Прадстаўнікі раённай улады, працоўных калектываў і навучальных устаноў, удзельнікі Вялікай Айчыннай  вайны і ветэраны працы ўшанавалі памяць ахвяр фашызму хвілінай маўчання, усклалі да падножжа абеліска вянкі і кветкі, а потым урачыстым шэсцем накіраваліся ў парк ААТ “Шаркаўшчынскі агратэхсэрвіс”, дзе праходзіў раённы фестываль “Прыдзісненскія крыніцы”. Урачыстыя мерапрыемствы ў парку пачаліся з ушанавання жыхароў раёна, якія вызначыліся значнымі дасягненнямі ў рабоце, актыўнай жыццёвай пазіцыяй, добрасумленнымі адносінамі да працы,а завяршыліся цікавай канцэртнай праграмай з удзелам   лепшых творчых калектываў горада Полацка і нашага Шаркаўшчынскага раёна.

Фотарэпартаж са свята ў гарадскім пасёлку Алены Ананіч.