Берасцейскае экалагічна-праваабарончае грамадскае аб’яднанне спрабуе паўторна зарэгістравацца

Источник материала:

Паўторна падаць дакументы на рэгістрацыю грамадскага аб’яднання збіраюцца ў Берасці актывісты, якія выступаюць супраць будаўніцтва акумулятарнага завода. Пра гэта паведаміў праваабаронца Раман Кісляк.

«Пасля адмовы не забаронена паўторна звяртацца і адстойваць свае правы на экалогію», – адзначыў ён:

– Зноў трэба правесці ўстаноўчы сход, павінна прысутнічаць не менш за 10 чалавек. Мы маем права падаць паўторна на рэгістрацыю і гэтым маем намер скарыстацца ў бліжэйшы час. Гэта дасць магчымасць дзейнічаць нашаму экалагічнаму праваабарончаму грамадскаму аб’яднанню і больш эфектыўна прыходзіць да чыноўнікаў і прадстаўляцца грамадскасцю, а не проста актывістамі.

https://www.racyja.com/wp-content/uploads/2019/08/2019-08-06_pol_abjadnanne_kisliak.mp3

Як дадае Раман Кісляк, гэта дасць магчымасць стварыць шырокае, масавае грамадскае аб’яднанне, каб усе маглі далучацца да яго, і мы б паказалі, як нас шмат у Берасці.