Дзеці лавілі ракаў, знайшлі гранату часоў вайны і забралі яе дадому

Пад Брэстам хлопчыкі лавілі ракаў і знайшлі ў рацэ гранату часоў вайны. Дзеці ўпадабалі гэты сувенір і вырашылі забраць яго дадому разам з уловам.

У горад яны вярталіся на машыне і распавялі кіроўцу, які іх падвозіў, пра сваю знаходку. Той адразу спыніўся, узяў у дзяцей гранату і вынес на бяспечную адлегласць ад праезнай часткі. Мужчына выклікаў міліцыю і паведаміў пра інцыдэнт.

Гранату знішчылі сапёры-піратэхнікі, паведамляе сайт УУС Брэсцкага аблвыканкама.