Спорт яднае кантыненты

Прэзідэнт Беларусі Аляксандр Лукашэнка прыняў удзел у цырымоніі адкрыцця матча па лёгкай атлетыцы Еўропа — ЗША, які праходзіў у Мінску 9, 10 верасня. Вітаючы ўдзельнікаў спаборніцтва, кіраўнік дзяржавы адзначыў: “Прымаць гэтыя маштабныя спаборніцтвы для нас вялікі гонар і магчымасць успомніць легендарнае мінулае стадыёна “Дынама”. Стадыёна, дзе выступалі легенды спорту мінулага стагоддзя — савецкія і амерыканскія атлеты. Тады матчавая сустрэча СССР — ЗША стала прыкладам сумленнай і бескампраміснай барацьбы”. А галоўнае значэнне той падзеі, на думку лідара краіны, што яна стала сімвалам імкнення да палітычнай раўнавагі і мірнага саперніцтва паміж вялікімі дзяржавамі.  І сёння падобныя спартыўныя спаборніцтвы здольныя мяняць палітычную сітуацыю да лепшага.

БелТА.