У гандлёвым цэнтры ў Магілёве траўмаваны 8-гадовы хлопчык

У гандлёвым цэнтры "Стралец" у Магілёве траўмаваны 8-гадовы хлопчык. Як інфармуе тэлеканал АНТ, здарэнне адбылося ўвечары 4 кастрычніка. Хлопчык гуляў з сябрамі і калі пералазіў з трэцяга на другі паверх лесвічнага пралёта, павіс на руках. У выніку не ўтрымаўся і ўпаў. У Следчым камітэце кажуць, што хлопчык атрымаў цяжкія цялесныя пашкоджанні "па ўласнай неасцярожнасці", яго шпіталізавалі.

Па факце здарэння ў гандлёвым цэнтры праводзіцца праверка.