У Гомелі кіроўца BMW збіў трох жанчын-пешаходаў і сам загінуў

У Гомелі кіроўца BMW учыніў дарожнае здарэнне —  збіў насмерць жанчыну-пешахода і загінуў сам. Як паведамляе progomel.by, ДТЗ адбылося позна ўвечары 12 кастрычніка на вуліцы Савецкай, ля рэстарана “Бацькі”.

Легкавік на вялікай хуткасці ўрэзаўся ў слуп апоры кантактнай тралейбуснай сеткі, а перад гэтым збіў траіх жанчын, што ішлі па тратуары —  гэта былі тры настаўніцы, якія вярталіся з рэстарана, дзе бавілі вечар.

Загінула 43-гадовая намесніца дырэктара сярэдняй школы №21. Яе сяброўкі атрымалі траўмы і былі дастаўленыя ў лякарню —  адна з настаўніц працуе ў той самай 21-й школе, другая ў 51-й гімназіі.

Кіроўца загінуў на месцы ад сутыкнення машыны са слупом. Яго цела апынулася заціснутым у цалкам разбітым аўтамабілі. Шафёру быў 21 год.