Акрэдытаваны наглядальнікі

ЦВК акрэдытавала больш за 330 наглядальнікаў ад СНД для маніторынгу выбараў дэпутатаў Палаты прадстаўнікоў Нацыянальнага сходу сёмага склікання. “Прадаўжаецца фарміраванне місіі ад СНД. На сёння Цэнтральнай камісіяй Беларусі па выбарах і правядзенні рэспубліканскіх рэферэндумаў акрэдытаваны 332 міжнародныя наглядальнікі ад СНД”, — расказалі ў штабе місіі, дадаўшы, што камісія прадаўжае маніторынг падрыхтоўкі выбараў. Кіраўнік місіі Сяргей Лебедзеў наведаў акруговую выбарчую камісію Лагойскай выбарчай акругі нумар 75. Доўгатэрміновыя наглядальнікі ад СНД наведалі выбарчыя акругі Брэсцкай, Гродзенскай, Мінскай, Магілёўскай абласцей і горада Мінска, дзе азнаёміліся з работай акруговых і ўчастковых выбаркамаў. Асноўная ўвага была ўдзелена завершанаму этапу рэгістрацыі кандыдатаў у дэпутаты. Члены місіі прысутнічалі на пасяджэннях акруговых выбарчых камісій пры рэ-гістрацыі кандыдатаў і адзначаюць, што для ўсіх кандыдатаў былі створаны аднолькавыя прававыя ўмовы, прымяняліся адзіныя патрабаванні.

БелТА.