У СШ №1 г.Кіраўска праведзены Дзень падпісчыка

Чарговымі ўдзельнікамі Дня падпісчыка, які прайшоў сёння ў СШ №1 горада ў межах падпісной кампаніі на перыядычныя выданні на 1-е паўгоддзе 2020 года, сталі педагагічныя і тэхнічныя работнікі дадзенай установы адукацыі.

Кожны жадаючы меў магчымасць падпісацца на любое выданне.

Галоўны спецыяліст аддзела ідэалагічнай работы, культуры і па справах моладзі райвыканкама Вікторыя Бяляўская праінфармавала прысутных аб ходзе падпісной кампаніі ў раёне, важнасці даставернай, аб’ектыўнай інфармацыі для кожнага з нас.

У Дні падпісчыка прыняла ўдзел журналіст “Народной газеты» Валерыя Гаўрушава, якая прадставіла выданні “Выдавецкага дома “Беларусь сегодня” і  ўручыла прызы падпісчыкам.

Тым, хто падпісаўся на раённую газету “Кіравец”, былі ўручаны памятныя сувеніры. Іх атрымалі Ірына Алёхна, Караліна Свірыд і Наталля Галдабаева.