Брастаўчанін расплаціўся пісталетам-кулямётам за паездку ў таксоўцы. 21.by

Брастаўчанін расплаціўся пісталетам-кулямётам за паездку ў таксоўцы

20.01.2020 17:42 — Разное |  
Размер текста:
A
A
A

Источник материала:


БЕЛТА

Жыхар Брэста за паездку ў таксоўцы расплаціўся сувенірным пісталетам-кулямётам. Пра гэта агенцтву БЕЛТА распавяла афіцыйная прадстаўніца ўпраўлення Дзяржкамітэта судовых экспертыз па Брэсцкай вобласці Таццяна Каток.

Інцыдэнт адбыўся 17 снежня 2019 года. Таксовец звярнуўся ў Маскоўскі РАУС Брэста і паведаміў, што яго пасажыр замест грошай за праезд даў яму пісталет-кулямёт. Па яго словах, пасажыр папрасіў пачакаць каля дома, пакуль ён вернецца з грашыма. Праз нейкі час мужчына вярнуўся, але перадаў таксоўцу не грошы, а прадмет, падобны да зброі. "Для выяўлення, ці з'яўляецца канфіскаваны прадмет зброяй і ці прыдатны для стральбы, была прызначаная балістычная экспертыза", — паведаміла Таццяна Каток.

Экспертыза паказала, што гэта макет пісталета-кулямёта Судаева ўзору 1943 года. Сувенірная зброя была зробленая заводскім спосабам.

Неўзабаве міліцыянты высветлілі пасажыра, які расплаціўся такім незвычайным спосабам. Гэта быў 57-гадовы брастаўчанін. Мужчына патлумачыў, што ў яго не было з сабой грошай, таму ён выбраў такі спосаб аплаты. 

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
БЕЛТА Жыхар Брэста за паездку ў таксоўцы расплаціўся сувенірным пісталетам-кулямётам. Пра гэта агенцтву БЕЛТА распавяла афіцыйная прадстаўніца ўпраўлення...
 
 
 

РЕКЛАМА

Архив (Разное)

РЕКЛАМА


Яндекс.Метрика