Партия БНФ договорилась о сотрудничестве с польской партией

Источник материала:

Перанеслі водпуск

З мая гэтага года я працую ў краме. У лiстападзе мне сказалi, што ў мяне ёсць права на водпуск. Я напiсала заяву на водпуск з 1 снежня. 25 лiстапада мне паведамiлi, што з гэтай даты водпуск не дадуць, бо я не адпрацавала поўны год, а таксама ў сувязi з вытворчай неабходнасцю. Прапанавалi пайсцi з 22 снежня па 19 студзеня. Ці правамерна гэта? Я цяжарная i 19 студзеня пайду ў дэкрэтны водпуск.

Марына, г. Брэст.

г. Брэст.

Працоўны водпуск, як вызначана артыкулам 153 Працоўнага кодэкса Рэспублiкi Беларусь (далей — ПК), прызначаны для адпачынку i ўзнаўлення працаздольнасцi, умацавання здароўя i iншых асабiстых патрэбаў работнiка. Даецца ён за работу на працягу працоўнага года (штогадова) з захаваннем былой работы i сярэдняга заробку. У выключных выпадках, калi поўны працоўны водпуск работнiку ў бягучым працоўным годзе можа неспрыяльна адбiцца на нармальнай дзейнасцi арганiзацыi, дапускаецца са згоды работнiка перанос часткi водпуску на наступны працоўны год. Другая частка працоўнага водпуску не можа быць меншай за 14 каляндарных дзён i даецца да заканчэння бягучага працоўнага года (арт. 170 ПК).

Згодна з артыкулам 166 ПК, працоўныя водпускi (асноўны i дадатковы) за першы працоўны год дазваляюцца не раней чым праз шэсць месяцаў працы ў наймальнiка. Да спаўнення шасцi месяцаў працы наймальнiк абавязаны дазволiць працоўны водпуск жанчыне па яе жаданнi перад водпускам па цяжарнасцi i родах або пасля яго. Таксама i пры складаннi графiка водпускаў на год наймальнiк абавязаны запланаваць яго па жаданнi жанчыны ў гэты ж час. Атрымаць водпуск у iншы час, не непасрэдна перад водпускам па цяжарнасцi i родах, магчыма пры наяўнасцi згоды наймальнiка. Аднак, напэўна, наймальнiк не змог так тэрмiнова знайсцi вам замену.

У якасцi даведкi. Працоўны год, за якi работнiку даецца працоўны водпуск, згодна з артыкулам 163 ПК, — гэта прамежак часу, роўны па працягласцi каляндарнаму году, але для кожнага работнiка датай яго адлiку з’яўляецца не 1 студзеня, а дата прыёму на працу.