У Гомелі студэнтам прапануюць выхадны, каб прагаласавалі датэрмінова

Источник материала:

10 снежня ў Гомельскім дзяржаўным універсітэце адбылася сустрэча рэктара Аляксандра Рагачова са студэнтамі і выкладчыкамі ВНУ.

«Фактычна рэктар і студэнт агітавалі за тую праграму сацыяльна-эканамічнага развіцця Беларусі, якую прапанавала ўлада. Аляксандр Рагачоў у сваім выступленні крытыкаваў альтэрнатыўных кандыдатаў, казаў, што яны даюць пустыя абяцанні, якія ніколі не выканаюць», распавёў адзін з прысутных на сустрэчы студэнтаў.

Па яго словах, рэктар агітаваў студэнтаў за датэрміновае галасаванне [пачынаецца 14 снежня] і прапанаваў адмяніць заняткі 18 снежня — каб студэнты прагаласавалі датэрмінова.

«Цікава, што ў зале былі галасы супраць датэрміновага галасавання, нават улічваючы абяцанні выхаднага. Таксама на сходзе выступіў старшыня прафсаюза студэнтаў Сяргей Азяўчыкаў, які паведаміў, што раіўся са студэнтамі, і яны не супраць датэрміновага галасавання і адмены заняткаў. Але варта заўважыць, што асаблівага энтузіязму з боку студэнтаў не адчувалася», — дадаў студэнт.