Удзельнiкам II з’езда грамадскага аб’яднання «Саюз пiсьменнiкаў Беларусi»
Паважаныя сябры!
Шчыра вiншую вас з адкрыццём II з’езда грамадскага аб’яднання «Саюз пiсьменнiкаў Беларусi».
Ваш саюз дастойна выконвае важную мiсiю згуртавання лепшых творчых дзеячаў, якiя жадаюць прысвяцiць свае талент i майстэрства самаадданаму служэнню нашаму народу.
Мастацкае слова адыгрывае велiзарную ролю ў грамадстве. Кнiга — гэта не толькi крынiца пазнання свету, але i мудры выхавальнiк, нястомны настаўнiк. Таму дзяржава будзе заўжды спрыяць дзейнасцi пiсьменнiкаў, чые творы сцвярджаюць сапраўдныя маральныя i эстэтычныя каштоўнасцi, вучаць чытачоў любiць сваю Радзiму, ганарыцца яе гiсторыяй i культурай.
За апошнi час ваша творчае аб’яднанне стала надзейным калектывам аднадумцаў, якi з годнасцю працягвае традыцыi знакамiтых прадстаўнiкоў беларускай лiтаратуры.
Няхай i надалей члены саюза ўзбагачаюць нашу духоўную скарбнiцу высокамастацкiмi творамi, адкрываюць свету новыя iмёны паэтаў i празаiкаў.
Жадаю вам моцнага здароўя, невычэрпнага натхнення, шчасця i дабрабыту.
Прэзiдэнт Рэспублiкi Беларусь Аляксандр ЛУКАШЭНКА.
Главная
Гороскопы
