Сутыкнуліся два беларускія самалёты

Источник материала:

21 красавіка ў 20 гадзін 15 мінут падчас плянавага палёта ва ўмовах абмежаванай бачнасьці пры выкананьні манэўра павышанай складанасьці сутыкнуліся ў паветры два самалёты МіГ-29 з 927-й зьнішчальнай авіяцыйнай базы.Пра гэта паведамляе сайт Міністэрства абароны, 

У выніку адна з машын атрымала пашкоджаньні, якія не дазволілі працягнуць палёт. Пілёт змог вывесьці самалёт у раён 210-га авіяпалігону і капультаваўся.

Другая машына прызямлілася на базавым аэрадроме.

Жыцьцю пілётаў нічога не пагражае, ідзе расьсьледаваньне здарэньня.

Паводле прэсавага сакратара Міністэрства абароны Вячаслава Раменьчыка, адзін са зьнішчальнікаў разьбіўся на тэрыторыі 210-га авіяцыйнага палігона. У выніку ніхто не пацярпеў. Пра дэталі здарэньня можна казаць пасьля працы камісіі.