Са смачнай катлетай да новых вяршынь. 21.by

Са смачнай катлетай да новых вяршынь

Размер текста:
A
A
A

Источник материала:

Як толькі палеткі абудзіліся ад зімовага сну, сельгаспрадпрыемствы актыўна ўключыліся ў палявыя работы: ворыва і падрыхтоўка глебы, вывазка і ўнясенне ўгнаенняў, уласна сяўба яравых культур.

Механізатары працуюць у полі ўвесь светлавы дзень. І тут адна з асноўных задач для кіраўнікоў – стварыць для іх працы належныя ўмовы, у тым ліку забяспечыць гарачым харчаваннем.

Менавіта як працуюць сталовыя ў сельгаспрадпрыемствах, ці маюць яны неабходны посуд і набор прадуктаў, наколькі паўнавартасныя абеды атрымліваюць працаўнікі поля, высвятляла ў мінулую сераду разам з журналістамі раёнкі старшыня райкама прафсаюза работнікаў АПК Ірына Берднік.

Да слова, усе кіраўнікі падышлі да вырашэння гэтага пытання з адказнасцю – харчаванне механізатараў арганізавана ўсюды. Самымі першымі пачалі карміць сваіх працаўнікоў у КСУП “Капаткевічы” і ААТ “Камаровічы”. Нават хто не можа сам па пэўных прычынах гатаваць абеды, дамаўляюцца з суседзямі ці іншымі структурамі: КСУП “Кашэвічы” з КСУП імя Ульянава, ААТ “Агра-Пціч” з ААТ “Курыцічы”,  КСУП “Грабаў” з аддзелам адукацыі, ААТ “Агра-Слабада” з райспажыўтаварыствам.

12 красавіка адчыніла свае дзверы сталовая ААТ “Курыцічы”. Як паведаміла повар Ганна Плікус, штодзень яна гатуе па 15 абедаў для сваіх працаўнікоў і  12 – для пціцкіх. На момант наведвання на пліце варыўся расольнік, гатаваліся катлета з макаронамі і кававы напой. З прадуктамі і посудам перабояў не здараецца.

У 10.30 былі прыгатаваны гарачыя стравы для механізатараў у ААТ “Навасёлкі”. Повар Тамара Кузняцова паведаміла, што пакуль заяўкі на абеды падалі толькі 5 працаўнікоў з 10.

З 7 красавіка арганізавана гарачае харчаванне ў ААТ “Камаровічы”. У повара Раісы Байковай да 11.30 гатовы ўсе 12 абедаў, якія ёй яшчэ трэба і раздаць працаўнікам. Менавіта столькі механізатараў харчуюцца ў полі. Летам жа, як прызналася, колькасць абедаў перавышае 30. Да таго ж дабаўляюцца і вячэры. Вялікай папулярнасцю ў працаўнікоў поля карыстаюцца  катлеты Раісы Байковай, якія яны выказваюць жаданне бачыць у сваіх талерках кожны дзень. Аднак згодна з правіламі адну страву нельга паўтараць некалькі дзён запар, таму і разнастайвае харчаванне повар не менш смачнымі мясным рагу і пловам.

Па 15-17 гарачых абедаў штодзень гатуе і повар КСУП “Запаветы Ільіча” Надзея Палтаран. Як паведаміла работніца, праблем з прадуктамі і інвентаром у сталовай няма. Механізатары, хто ў полі, а хто і ў будынку сталовай, штодзень атрымліваюць паўнавартасныя абеды.

Повар ААТ “Курыцічы” Ганна Плікус

Повар ААТ “Курыцічы” Ганна Плікус



Малады повар ААТ “Навасёлкі” Тамара Кузняцова

Малады повар ААТ “Навасёлкі” Тамара Кузняцова



Патанае ў кветках сталовая ў КСУП “Запаветы Ільіча”

Патанае ў кветках сталовая ў КСУП “Запаветы Ільіча”

Дзмітрый БЯЛЬКО.

Фота аўтара.

 

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Як толькі палеткі абудзіліся ад зімовага сну, сельгаспрадпрыемствы актыўна ўключыліся ў палявыя работы: ворыва і падрыхтоўка глебы, вывазка і ўнясенне ўгнаенняў,...
 
 
 

РЕКЛАМА

Архив (Сельское хозяйство)

РЕКЛАМА


Яндекс.Метрика