“Глуская Зара”: ад сяўбы да корманарыхтоўкі

Источник материала:

У гэтым годзе, як і летась, аграрыі ААТ “Глуская Зара” правядуць корманарыхтоўку ў складзе механізаванага атрада разам з ААТ “Аграфірма “Слаўгарадскі”. Гаспадарка плануе назапасіць 700 тон сена, закласці 12 000 тон сенажу і зернесенажу, 14 000 тон сіласу. Усяго на зімне-стойлавы перыяд для грамадскага статка патрэбна нарыхтаваць на ўмоўную галаву 30 цэнтнераў кармавых адзінак. Планы вялікія, намечанае значна перавышае мінулагоднія паказчыкі. Каб выйсці на запланаваныя рубяжы, трэба шмат працаваць. Многае залежыць ад механізатараў і вадзіцеляў, якія шчыруюць на палетках таварыства.