Актыўная фаза вучэння з удзелам ВПС i войскаў ППА Беларусi на расiйскiм палiгоне Ашулук пройдзе 17 верасня

Источник материала:

Аб гэтым карэспандэнту БЕЛТА паведамiў начальнiк прэс-службы Мiнiстэрства абароны Беларусi Вячаслаў Раменчык.

"17 верасня на расiйскiм палiгоне Ашулук (Астраханская вобласць) пройдзе трэцi этап (актыўная фаза) сумеснага вучэння войскаў аб'яднанай сiстэмы ППА дзяржаў — удзельнiц СНД "Баявая садружнасць-2009". На вучэнне ад Беларусi прыцягваюцца 115-я зенiтная ракетная брыгада (тры дывiзiёны С-300) i 927-я знiшчальная авiябаза (на пяцi самалётах МiГ-29).
У ходзе вучэння будуць адпрацаваны пытаннi сумеснага прымянення злучэнняў i воiнскiх часцей ВПС i войскаў ППА ўзброеных сiлаў Арменii, Беларусi, Казахстана, Кыргызстана, Расii i Таджыкiстана", — сказаў ён.

На палiгоне разгорнута аўтаматызаваная сiстэма кiравання, сфармiраваны аб'яднаны камандны пункт.