Ферэра‑Вальднер: Уступленне Расіі ў СГА можа быць адтэрмінавана

Источник материала:

З уступленнем Расіі ў Сусветную гандлёвую арганізацыю (СГА) можа адбыцца затрымка, заявіла 13 кастрычніка еўракамісар па знешніх сувязях і еўрапейскай палітыцы суседства Беніта Ферэра‑Вальднер.

13 кастрычніка кіраўнік МЗС Беларусі Сяргей Мартынаў заявіў журналістам у Хельсінкі, што «калі ўсё будзе ў парадку», перамоўны працэс аб уваходжанні ў СГА Беларусі, Казахстана і Расіі завершыцца «праз два‑тры гады».

У чэрвені 2009 года кіраўнікамі ўрадаў Беларусі, Казахстана і Расіі было прынята рашэнне аб далучэнні да СГА ў якасці адзінага мытнага саюза. У межах «тройкі» быў ухвалены праект адзінага Мытнага тарыфу, што дазволіць стварыць саюз ужо з 1 студзеня 2010 года.

Расія больш як 15 гадоў вяла перамовы аб уступленні ў СГА. Масква завяршыла ўсе двухбаковыя перамовы з 60 краінамі‑партнёрамі, заставаўся няўзгодненым шэраг прынцыповых пазіцый, у тым ліку па сельскай гаспадарцы, па стаўках экспартных пошлін на драўніну і па рэгуляванні дзейнасці шэрагу дзяржаўных кампаній.