МЗС Беларусi адзначае чарговае "падвешванне" з боку ЕС працэсу комплекснай нармалiзацыi двухбаковых адносiнаў

Источник материала:

Аб гэтым гаворыцца ў адказе прэс-сакратара Мiнiстэрства замежных спраў Беларусi Андрэя Папова на пытанне прадстаўнiкоў СМІ адносна заключэння Савета ЕС па Беларусi. "Гэтыя заключэннi ў пэўнай ступенi адлюстроўваюць тэндэнцыю да нармалiзацыi адносiнаў памiж нашай краiнай i ЕС. Гэта, у прыватнасцi, пацвярджаецца заяўленай гатоўнасцю Еўрасаюза да развiцця дагаворна-прававой базы з нашай краiнай i намерам пачаць перагаворы аб спрашчэннi вiзавага рэжыму для грамадзян Беларусi", — сказаў Андрэй Папоў. Ён адзначыў, што беларускi бок даўно i неаднаразова прапаноўваў Еўрасаюзу сумесна ўрэгуляваць iснуючыя ў гэтых сферах праблемы. "Пацвярджаем гатоўнасць да цеснай i арыентаванай на канкрэтны вынiк практычнай работы з ЕС па названых i ўсiх iншых ключавых пытаннях нашых узаемаадносiнаў. Сказанае ў поўнай меры таксама датычыцца актыўнага i канструктыўнага ўкладу Беларусi ў рэалiзацыю iнiцыятывы "Усходняе партнёрства", — дадаў прэс-сакратар МЗС.

Зразумела, тэмп i змест працэсу ўдасканалення грамадска-палiтычных адносiнаў вызначаюцца ў Беларусi выключна iнтарэсамi развiцця грамадства i дзяржавы. "Са шкадаваннем прыходзiцца канстатаваць, што чарговае "падвешванне" працэсу комплекснай нармалiзацыi двухбаковых адносiнаў, абмежавальныя меры, якiя па-ранейшаму прымяняюцца Еўрасаюзам да нашай краiны, разыходзяцца з цяперашняй логiкай дыялога Беларусь — ЕС, нясуць на сабе адбiтак двайных стандартаў i не даюць магчымасцi выйсцi на ўзровень супрацоўнiцтва, якi ў поўнай меры адпавядаў бы iнтарэсам абодвух бакоў", — рэзюмаваў Андрэй Папоў.

Улiчваючы важнасць пашырэння чалавечых кантактаў, Савет Еўрапейскага саюза заклiкае Еўракамiсiю прапрацаваць пытаннi спрашчэння вiзавага рэжыму ЕС для грамадзян Беларусi, а таксама магчымасць заключэння з нашай краiнай пагадненняў аб рэадмiсii. Аб гэтым гаворыцца ў рашэннi Савета па Беларусi. Акрамя таго, Савет пацвярджае гатоўнасць паглыбляць адносiны з Беларуссю i таму заклiкае Еўракамiсiю распрацаваць праект сумеснага прамежкавага плана прыярытэтных рэформаў, якiя могуць быць рэалiзаваны ў Беларусi ў рамках Еўрапейскай палiтыкi суседства (ЕПС). Савет прыняў рашэнне прыпынiць парадак дзеяння абмежаванняў адносна ўезду ў Еўрасаюз некаторых чыноўнiкаў з Беларусi да кастрычнiка 2010 года, але не адмянiў абмежавальныя меры. Савет канстатуе, што з кастрычнiка 2008 года былi адкрыты новыя магчымасцi для дыялога i паглыблення супрацоўнiцтва ЕС i Беларусi, i вiтае палiтычны дыялог ЕС — Беларусь на высокiм узроўнi, а таксама iнтэнсiфiкацыю ўдзелу Беларусi ва "Усходнiм партнёрстве", якое з'яўляецца сродкам пабудовы ўзаемаразумення i стварэння магчымасцяў для вырашэння актуальных пытанняў. Разам з тым, Савет ЕС заяўляе аб недастатковым прагрэсе ў лiбералiзацыi парадку рэгiстрацыi i дзейнасцi палiтычных партый, грамадскiх арганiзацый i недзяржаўных СМI ў Беларусi. Са шкадаваннем адзначаецца таксама вынясенне некалькiх смяротных прыгавораў. ЕС заклiкае Беларусь да ўвядзення мараторыю на пакаранне смерцю.