Бiблiятэчныя Каляды

Источник материала:

Учора ў бiблiятэках горада Магiлёва адкрываюцца Калядныя чытаннi. Цэнтрам святочнай акцыi стала дзiцячая бiблiятэка iмя Пушкiна.

У межах чытанняў працуюць выставы духоўнай лiтаратуры i праваслаўных абразоў. Чытачы i супрацоўнiкi бiблiятэк сабралi ў вялiкую святочную калекцыю свечкi i падсвечнiкi, ёлачныя цацкi, калядныя паштоўкi i сувенiры.

На свята “Узышла зорка над Вiфлеемам” дзiцячая бiблiятэка запрасiла сваiх самых актыўных чытачоў разам з бацькамi. Усе ўдзельнiкi чытанняў могуць зрабiць запiс у Каляднай кнiзе казак: гэта добрыя словы да людзей i святочныя пажаданнi палепшыць сваё жыццё i роднага горада.

Прадоўжацца Калядныя чытаннi да Старога Новага года.