Не стала бацькі Святланы Алексіевіч

Источник материала:

Вялікае гора напаткала знаную пісьменніцу Святлану Алексіевіч: пайшоў у іншы свет яе бацька Аляксандр Яўхімавіч Алексіевіч, чалавек, які годна пражыў доўгае і нялёгкае жыццё: ваяваў з фашызмам у ліхую гадзіну, а потым шмат гадоў настаўнічаў на Мазыршчыне.
Мужна перанёс ён у свой час невымерную страту – заўчасную смерць дачкі Тамары, а затым і жонкі Яўгеніі Пятроўны. Быў духоўнай апорай дзецям Святлане і Аляксандру.

Сябры і калегі выказваюць глыбокае і шчырае спачуванне Святлане Аляксандраўне Алексіевіч з прычыны незваротнай згубы.