РОЗГАЛАС

Источник материала:

Як паведамiў карэспандэнту "Звязды" начальнiк аддзялення iнфармацыi i грамадскiх сувязяў ГУУС Мiнгарвыканкама Аляксандр Ластоўскi, крадзеж быў учынены ў прамежак часу з паловы першай ночы да сямi гадзiн ранiцы 25 студзеня. Спрактыкаваны злачынца распiлаваў рыгельную тыльную частку дзверцаў банкамата i забраў 202 мiльёны рублёў. Па гэтым факце заведзена крымiнальная справа, праваахоўнiкi вядуць пошук "мядзведнiка".

Анамальна халоднае надвор'е ў першы месяц года назiраецца даволi працяглы час, калi сярэднясутачная тэмпература на 10—18 градусаў нiжэйшая за клiматычную норму, паведамiў рэдакцыi начальнiк службы гiдраметэаралагiчных прагнозаў Рэспублiканскага гiдраметцэнтра Дзмiтрый Рабаў. Разам з тым, да 1987 года такiя моцныя маразы ў студзенi былi не рэдкасцю i сустракалiся раз у 4—5 гадоў.

Нашы суайчыннiкi адпачываюць на курорце Раас Гарыб, а ў той дзень ехалi на экскурсiю ў Каiр. Паводле папярэднiх звестак, з-за дрэннага надвор'я, а таксама з-за перавышэння хуткасцi кiроўцам аўтобуса машына з'ехала ў кювет. На шчасце, паведамiлi карэспандэнту "Звязды" ў прэс-службе беларускага Мiнiстэрства замежных спраў, у аварыi нiхто з пасажыраў аўтобуса моцна не пацярпеў. Толькi трое беларускiх турыстаў атрымалi нязначныя ўдары. Ім была аказана медыцынская дапамога на месцы, ад шпiталiзацыi яны адмовiлiся.

Як адзначыла Галiна Трафiменка, да працоўных пенсiй ветэранаў вайны прадугледжаныя павышэннi — у памеры ад 50 да 500 працэнтаў мiнiмальнай пенсii па ўзросце. Плюс да таго, амаль усе ветэраны маюць права на надбаўку на догляд. З улiкам гэтага ўзровень выплат ветэранам атрымлiваецца большым, чым астатнiм катэгорыям пенсiянераў. Аднак ёсць i iншы факт: сёння кожны шосты ветэран пражывае ў вёсцы, i кожны шосты — не мае працаздольных сваякоў. У сувязi з гэтым, зазначыла Галiна Трафiменка, ва ўсiх рэгiёнах будзе наладжана абследаванне ўмоў жыцця ветэранаў — з тым, каб высветлiць iх асноўныя праблемы. Прычым на падставе даследавання будуць распрацаваныя планы па аказаннi дапамогi — у паляпшэннi жыллёвых умоў, усталяванне тэлефонаў, аказаннi медыцынскай дапамогi, забеспячэннi сродкамi рэабiлiтацыi.

За апошнiя пяць гадоў колькасць ветэранаў вайны скарацiлася ўдвая — сёння ў Беларусi iх налiчваецца менш за 45 тысяч.

Згаданыя асобы i яшчэ адзiн урач падазраюцца ў атрыманнi хабару, паведамiў карэспандэнту "Звязды" старшы памочнiк пракурора Мiнска Сяргей Балашаў. Як вынiкае з папярэдняй iнфармацыi, падазроныя атрымалi хабар 250 долараў ЗША ад мiнчанкi, якая такiм чынам "аддзякавала" медыкаў за станоўчае вырашэнне пытання аб устанаўленнi ёй другой групы iнвалiднасцi пры праходжаннi чарговага агляду.

Як паведамiлi "Звяздзе" ў Вiцебскiм абласным упраўленнi па надзвычайных сiтуацыях, на месца надзвычайнага здарэння выехалi дзесяць пажарных аўтамабiляў i шэсць брыгад хуткай неадкладнай дапамогi. Добра, што ў iнтэрнаце своечасова спрацавала пажарная сiгналiзацыя. З другога i трэцяга паверхаў будынка iнтэрната пры дапамозе спецыяльнай лесвiцы пажарныя выратавалi 36 чалавек — усiх, хто быў усярэдзiне. На жаль, пацярпелi людзi: тры жыльцы першага паверха i адзiн — другога. Два студэнты 3-га курса, у пакоi якiх адбылося ўзгаранне, атруцiлiся чадным газам, i яны шпiталiзаваныя ў таксiкалагiчнае аддзяленне.

54-гадовы жыхар вёскi Страдубка Лоеўскага раёна смяротна траўмаваны дахам нежылога спiсанага дома, некалькi гадоў таму моцна пацярпелага ад пажару. Нiдзе не працуючы мужчына займаўся разборкай пабудовы. Як паведамiў следчы пракуратуры Лоеўскага раёна Максiм Калянчук, сведкаў здарэння не было.