На

Источник материала:

Рашэнне аб выдзяленні Беларусі апошняга транша крэдыту МВФ па праграме «стэнд-бай» чакаецца ў другой палове сакавіка бягучага года. Пра гэта паведамілі ва ўпраўленні інфармацыі Нацбанка Беларусі, каментуючы вынікі работы місіі Міжнароднага валютнага фонду, які знаходзіўся ў Мінску ад 3 да 16 лютага, паведамляе БЕЛТА.

Нацыянальны банк і ўрад завяршылі перамовы з экспертамі місіі МВФ. Місія праводзіла чацвёрты, заключны, агляд выканання рэспублікай прынятых на сябе абавязацельстваў па праграме «стэнд-бай», заключанай паміж Беларуссю і МВФ у студзені 2009 года.

З улікам паспяховага выканання Беларуссю прадугледжаных праграмай мэтавых і структурных кантрольных паказчыкаў беларускім бокам і экспертамі місіі фонду дасягнута пагадненне аб завяршэнні дадзенага агляду.

Нацбанк і ўрад працягнуць рэалізацыю ўсіх дасягнутых з МВФ дамоўленасцяў і ўзгодненых мер, якія забяспечваюць паспяховае выкананне праграмы «стэнд-бай», паведамілі ў Нацбанку.

Нагадаем, у студзені 2009 года кіраўніцтва МВФ адобрыла выдзяленне Беларусі крэдыту стэнд‑бай у аб’ёме каля 2,46 млрд даляраў пад праграму эканамічных рэформ, разлічаную на 15 месяцаў (да красавіка 2010 года). Першы транш крэдыту ў 788 млн даляраў ЗША па стаўцы LIBOR плюс 0,75% гадавых паступіў у Беларусь 14 студзеня, астатнія сродкі пералічваюцца з улікам штоквартальных справаздач беларускага ўрада.

З улікам выдзеленага 21 кастрычніка 2009 трэцяга траншу ў памеры каля 700 млн даляраў агульная сума дадзеных Беларусі да цяперашняга часу сродкаў па праграме стэнд‑бай складае каля 2,23 млрд даляраў ЗША.