У будынку бабруйскага УУС застрэліўся 37-гадовы маёр міліцыі

Источник материала:

18 лютага маёр міліцыі Б. заступіў на ахову парадку ў другую змену, - распавёў карэспандэнту газеты "Бабруйскі кур'ер" пракурор Першамайскага раёна спадар Анатоль Трэцьякоў. - А 15.23 ён атрымаў табельную зброю. Пасля чаго не з’явіўся на інструктаж.

Па словах пракурора, спадар Б. быў знойдзены ў пакоі разрадкі і зарадкі зброі. Да таго як застрэліцца, ён размаўляў 29 хвілін 40 секунд па мабільным тэлефоне з жонкай. З ёю спадар Б. распісаўся пятага студзеня гэтага года. Высветлілася, што яна не жадала больш заставацца ў Бабруйску, а хацела з’ехаць у Міёры (горад на захадзе Віцебскай вобласці).

Выпадкаў самагубства сярод міліцыянтаў, як адзначыў Анатоль Трэцьякоў, за гады яго пракурорскай дзейнасці ў Бабруйску не было.