Лукашэнка спадзяецца, што і Януковіч будзе цягнуць Беларусь на Захад

Источник материала:

Пра гэта ён сказаў на вельмі цёплай сустрай сустрэчы з Віктарам Юшчанкам.

«Галоўная мэта майго прыезду падзякаваць табе за ўсё тое, што ты зрабіў для Беларусі як прэзідэнт, гэта было шчыра. Цябе нават называлі беларускім адвакатам», — сказаў А. Лукашэнка, звяртаючыся да экс-прэзідэнта краіны Віктара Юшчанкі.

Гэта перадаюць з Кіева інфармацыйныя агенцтвы.

Лукашэнка паведаміў, што сёння ў часе сустрэчы з новым прэзідэнтам Украіны Віктарам Януковічам ён зрабіў акцэнт на гэтым.

«Юшчанка зрабіў для Беларусі вельмі шмат у кірунку на дарозе да Захаду. Я б вельмі хацеў, каб гэта было працягнута і пры Януковічу», — цытуюць А. Лукашэнку агенцтвы.

У сваю чаргу, Юшчанка падкрэсліў дасягненні Украіны на шляху дэмакратыі. Ва Украіне навучыліся перадаваць уладу новаму кіраўніцтву без майданаў, сказаў ён. Як вядома, Януковіч стаў ужо чацвёртым прэзідэнтам Украіны, тады як у Беларусі ўладу манапольна захоўвае Лукашэнка.

У сваю чаргу, Лукашэнка заўважыў, што «ва Украіне вельмі хораша, акуратна і спакойна адбылася змена ўлады». Ён бачыць у тым вялікую заслугу і Віктара Юшчанкі. Аляксандр Лукашэнка ўпэўнены, што ідэі незалежнасці і дзяржаўнасці Украіны, якія нёс Віктар Юшчанка, прараслі вельмі глыбока.

Дзяржаўнае агенцтва БЕЛТА таксама цытуе гэтыя выказванні Лукашэнкі, але замяніла «ты» на «вы» ў звароце Лукашэнкі да Юшчанкі.