ХРОНІКА АПОШНІХ ПАДЗЕЙ

Источник материала:

У Турцыі аўтобус з расіянамі зваліўся ў раку: 15 чалавек загінула, 24 параненыя

Буйное дарожна-транспартнае здарэнне з удзелам аўтобуса з расійскімі турыстамі адбылося ў аўторак у Турцыі.

Аўтобус зваліўся ў раку з абрыву ў раёне курорта Анталія. Паводле ўдакладненых звестак, у выніку аварыі загінула 15 чалавек, лік пацярпелых удакладняецца. Раней паведамлялася пра 17 загінулых і 24 параненых. Прэс-сакратар Расійскага саюза туріндустрыі паведаміла, што загінулі 13 расіян і двое грамадзян Турцыі — гід і кіроўца. Чацвёра са змешчаных у бальніцы расіян знаходзяцца ў цяжкім стане. Усяго ў аўтобусе знаходзіўся 41 чалавек: 39 расійскіх турыстаў, гід і турэцкі кіроўца.

Варшава назвала імя пабочнай асобы, якая знаходзілася ў кабіне польскага Ту-154

Польшча афіцыйна пацвердзіла, што ў момант катастрофы прэзідэнцкага самалёта пад Смаленскам у кабіне пілотаў знаходзіўся галоўнакамандуючы ВПС краіны Анджэй Бласік. Пра гэта заявіў па тэлебачанні кіраўнік дзяржкамісіі па расследаванні авіяздарэнняў Эдмунд Кліх.

Паводле яго слоў, генерал зайшоў у кабіну за некалькі хвілін да крушэння і знаходзіўся там да трагічнага канца. Бласік "жадаў азнаёміцца з сітуацыяй і адзначыў, што яна незвычайная". З'яўленне галаўкама ВПС у кабіне пілотаў — гэта нетыповая сітуацыя. Аднак Кліх адмовіўся даваць каментары на тэму, ці рабілі штосьці пілоты пад ціскам, пакінуўшы ацэнку сітуацыі псіхолагам. "Мы валодаем матэрыяламі, якія дазваляюць нам вызначыць стан лётчыкаў на пачатку і ў канцы палёту", — сказаў ён.

Абама дамовіўся пра легалізаванне геяў у арміі ЗША

Барак Абама дамовіўся з прадстаўнікамі Пентагона і Кангрэса пра адмену сакрэтнага правіла ў амерыканскім войску, паводле якога геям і лесбіянкам дазваляецца служыць пры ўмове, што яны не раскрываюць сваю сэксуальную арыентацыю. Рэформа, якая будзе ўхвалена ўжо хуткім часам, уступіць у дзеянне да канца года.

DVD і Blu-rау сыходзяць у мінулае

Група навукоўцаў з Японіі заявіла пра вынаходніцтва, здольнае пахаваць не толькі фармат аптычнага носьбіта DVD, які паступова састарваецца, але і фармат Blu-rау, які выйшаў на рынак менш пяці гадоў назад.

Непасрэдна паставіць крыж на Blu-rау і DVD можа распрацаваны японцамі інавацыйны матэрыял для вытворчасці дыскаў. Ён створаны з выкарыстаннем нанатэхналогій і ўражвае сваімі характарыстыкамі. На адзін носьбіт, зроблены з такога матэрыялу, можна будзе запісаць столькі ж інфармацыі, колькі ўтрымліваюць сотні Blu-rау-дыскаў. На сёння максімальная ёмістасць запіснога дыска Blu-rау складае 320 Гб, але больш ужывальнымі на рынку з'яўляецца ёмістасць 7,8 ці 15,6 Гб.