Главная
Гороскопы
Быць беларусам: Алесь Грыцанаў
26.05.2010 13:35
—
Новости Общества
|
 Цягам траўня штодня на партале TUT.BY вядомыя асобы распавядаюць пра тое, што значыць для іх быць беларусам. Гэта . Сёння прапануем вашай увазе анкету выкладчыка і філосафа Алеся Грыцанава. – Якое значэнне Вы ўкладаеце ў слова беларус/беларуска? – Быць беларусам – гэта не толькi i не столькi добра разумець тых, хто размаўляе на матчынай мове (а таксама па-расійску, па-польску i па-ангельску), але яшчэ i змагацца за гонар нашае зямлi. Дзеля гэтага ствараць рэчы (найперш у сэнсе творчасцi) сусветнай якасцi. Калi Беларусь паўстане сапраўды незалежнай, нам трэба будзе паказаць сусвету нешта яшчэ, акрамя мовы. Нешта еўрапейскага гатунку, сусветнай якасцi: дзеля гэтага нашае аб’яднанне – Мінскае фiласофскае кола – зрабiла ўжо 12 энцыклапедый без усялякай падтрымкi ад дзяржавы (ратуй Бог) i ад сучасных "нацыянальных колаў" (цяпер амаль тое ж самае варта сказаць i пра iх). – Якія унікальныя рысы характару і светагляду ўласцівыя беларусам? – Гатоўнасць шмат часу трываць не надта моцныя здзекi, але ў выпадку пераходу катам нейкай мяжы – выбухнуць паўстаннем. Абыякавасць да пытанняў "чысцiнi крывi", абы суседзi не перашкаджалi жыць. Павага да працы пры нейкай пагардзе да сапраўднай адукацыi. – Назавіце тры-пяць асноўных падзеяў з гісторыі Беларусі, без ведання якіх беларус – не беларус. – Жыццё Еўфрасiннi Полацкай, Грунвальд, Орша, паўстанне Касцюшкi, сумесная з iншымi народамi Перамога 1945 г. – Якія традыцыі павінен ведаць і захоўваць беларус? – Еўрапейскасць, талака, уменне змагацца за асабiстую годнасць, павага да ведаў, гатоўнасць змагацца за палiтычныя свабоды. – Чым беларускім Вы ганарыцеся? – Імёны Сапегi i Васiля Быкава, гарады Полацк, Тураў, Слуцк (збройны чын). – Што робіць беларусаў заўважнымі сярод суседзяў? – Перакрыжаванне жыцця нашае Радзiмы, адносны дабрабыт (у параўнаннi з Расіяй). – А што робіць беларусаў адметнымi ва ўсім свеце? – Шмат вякоў сумеснага жыцця побач з Расіяй і Польшчай: мы засталiся беларусамi. – Якой Вы бачыце будучыню Беларусі? – У канфедэрацыi: Польша+Лiтва+Украiна+Беларусь. Iншае немагчыма. 31 траўня мы прапануем вам наступную анкету. А пакуль чакаем на форуме вашых адказаў на пытанне, што асабіста для вас значыць - быць беларусам? Найбольш цікавыя меркаванні будуць апублікаваныя ў асобным матэрыяле. Чтобы разместить новость на сайте или в блоге скопируйте код:
На вашем ресурсе это будет выглядеть так
– Якія унікальныя рысы характару і светагляду ўласцівыя беларусам? – Гатоўнасць шмат часу трываць не надта моцныя здзекi, але ў выпадку пераходу катам нейкай мяжы... |
|