Вужы пад коламі

Источник материала:

На дарозе Лепель—Ушачы, якраз непадалёку стыку раёнаў, на толькі што заасфальтаваным участку гінуць вужы, што мігруюць на зіму. На працягу якіхсьці 250 метраў я налічыў каля васьмідзесяці раздушаных коламі паўзуноў.

Звычайна масавая міграцыя паўзуноў адбываецца ў сярэдзіне верасня, напярэдадні, а па народных прыкметах — удзень на праваслаўнага Узвіжання. На гэтым участку абапал дарогі захаваліся балоты, і калі была гравійка, вужы пераадольвалі яе хутка. Цяпер жа, калі асфальт за дзень награецца, рэптыліі часта застаюцца пагрэцца. Служба аховы прыроды Ушацкага раёна павінна абазначыць гэты кавалак шляху папераджальнымі знакамі, каб спыніць гібель гэтага віду жывёл.