За 20 гадоў насельніцтва Жлобіна вырасла на 35%, а Гродна - на 21%

Источник материала:

Такія звесткі былі атрыманыя пасля правядзення агульнанацыянальнага перапісу насельніцтва, што прайшоў у нашай краіне ў кастрычніку 2009 года.

У Мінску пражывае 1 млн 836,8 тыс. чалавек, на 2-м месцы застаўся Гомель -- 482,7 тыс, затым ідуць Магілёў (358,3 тыс.), Віцебск (347,9), Гродна (327,5), Брэст (309,8), Бабруйск (215,1),

Гарады з колькасцю насельніцтва ад 100 да 200 тыс.

Баранавічы (168,2 тыс.), Барысаў (147,4), Пінск (130,4), Орша (117,2), Мазыр (108,8) Салігорск (102,3 тыс.).

Гарады з колькасцю насельніцтва ад 50 да 100 тыс.

Наваполацк (98,1 тыс.), Ліда (97,6), Маладзечна (94,3), Полацк (82,5), Жлобін (75,9 тыс.), Светлагорск (70,0), Рэчыца (64,7), Жодзіна (61,7 тыс.), Слуцк (61,4), Кобрын (51 тыс.).

Цікава, што ў 1999 г. Наваполацк і Ліда былі гарадамі-стотысячнікамі.

***

У параўнанні з перапісам 1989 г., г.зн. 20 гадоў, насельніцтва Мінска вырасла на 14,3%, Гомеля зменшылася на 3%, Гродна і Брэста вырасла амаль на 21%, а Віцебска і Магілёва засталася амаль на тым жа месцы.

Рэкардсменам па прыросце стаў Жлобін, за дваццаць гадоў тут колькасць насельніцтва вырасла на 35%.

Змяншэнне колькасці жыхарства за 20 гадоў адбылося ў Бабруйску, Оршы, Рэчыцы (тут наогул на 6,7%), а ў параўнанні з мінулым перапісам (1999 г.) у Бабруйску, Барысаве, Оршы, Мазыры, Наваполацку, Лідзе, Маладзечне, Светлагорску, Рэчыцы, Слуцку.

Рэкардсменам за 10 гадоў тут стаў Наваполацк, дзе колькасць насельніцтва за дзесяць гадоў зменшылася на 7,1% -- са 105,6 тыс. да 98,1 тыс.