Главная → Новости → Новости Общества

"Каб не чапаў чужыя лыткі"...

04.11.2010 — Новости Общества |

Размер текста:: A; A; A

Источник материала:

Нярэдка ў вясельных пажаданнях гучалі патрабаванні маральна-этычнага плана:

Дару мех пшаніцы,

Каб не чапаў чужых баб

за спадніцы.

* * *

Дару бычка,

Каб не шукала

іншага мужычка.

* * *

Дару шклянку суніц,

Каб не хадзіў

да чужых маладзіц.

* * *

Дару маладой каробку жукоў,

Каб не любіла чужых мужыкоў.

* * *

Дару мерку буракоў,

Каб не любіла чужых мужыкоў.

* * *

Дару жаніху ніткі,

Каб не чапаў чужыя лыткі.

* * *

Дарую мяшок жыта,

Каб жонка не была біта.

* * *

Дарую гаршчок капусты,

Каб не даваў жонцы распусты.

* * *

Дару галінкі бярозы,

Каб муж прыходзіў

дадому цвярозы!

Сярод усіх вясельных пажаданняў абавязковымі былі і пажаданні эратычнага характару: Каб ваш ложак рыпаў, рыпаў,
А да году сынок выпаў.
* * *
Дару вам рубель,
Каб купілі карабель,
Каб дзень цалаваліся,
А ноч кахаліся.
* * *
Дарую дубовы пень,
Каб любіліся ноч і дзень.
Аксана КАТОВІЧ, Янка КРУК