У Салігорску стартуе грамадская кампанія «Абаронім лес»

Источник материала:

Як паведаміў адзін з яе арганізатараў, праваабаронца Беларускага Хельсінскага камітэта Аляксей Валабуеў,

Апошнім прыкладам знішчэння зялёных зон горада стала высяканне дрэў лесапаркавай зоны пад будаўніцтва элітнага жылля паміж вуліцамі Заслонава і Казлова 20–21 лістапада. Як стала вядома грамадскім актывістам, у хуткім часе плануецца высечы лесапаркавую зону насупраць гарадской бальніцы па вуліцы «Лясная». Адпаведныя змяненні ўнесены ў генеральны план развіцця Салігорска.

Паводле слоў Валабуева, у рамках кампаніі пачаўся збор подпісаў у абарону гарадскога лесу ў Салігорску. Усяго мяркуецца сабраць некалькі соцень подпісаў і накіраваць іх як у Салігорскі гарадскі выканаўчы камітэт, так і ў рэспубліканскія органы ўлады.

26 лістапада была таксама пададзена заяўка на правядзенне пікета ў абарону права жыхароў Салігорска на здаровае навакольнае асяроддзе.

Арганізатары акцыі маюць намер прымеркаваць яе да Дня правоў чалавека, які адзначаецца 10 снежня.

Акрамя таго, у рамках кампаніі «Абаронім лес» рыхтуецца запыт у пракуратуру, адзначыў Валабуеў.

Паводле яго слоў, дзеянні грамадскіх актывістаў у абарону салігорскага лесу падтрыманыя Беларускай партыяй «Зялёныя». Арганізатары кампаніі таксама разлічваюць на падтрымку іншых грамадскіх арганізацый рэгіёну і краіны. Акрамя таго, яны плануюць прыцягнуць да вырашэння праблемы кандыдатаў у прэзідэнты.

Нагадаем, 24 лістапада грамадскія актывісты Салігорска распаўсюдзілі адкрыты ліст з патрабаваннем спыніць знішчэнне гарадскога лесу. Зварот, пад якім падпісаліся больш чым 20 чалавек, быў таксама перададзены ў Салігорскі гарадскі выканаўчы камітэт. Патрабаванне актывістаў не было задаволена.